Hai Zaban e Ashk Par Qissa Dil e Ghamgeen Ka Lyrics

Posted on

Hai Zabaan e Ashk Par Qissa Dil e Ghamgeen Ka,
Wo Chirag Uththa Ke Dil Roya Mah O Parveen Ka.

Ho Gaya Bazm e Jahaan Se Inteqal e Pur Malal,
Aah…. Maddahe Nabi Qari Riyazuddin Ka.

Chashm e Ulfat Ro Rahi Hai Aur Hai Lab Par Dua,
Rab Ata Farmaye Darja Aala Illiyeen Ka,

Unke Jumla Ahle Khana Aur Sabhi Ahbab Ko,
Sabr De Maula Ke Saman Ho Dili Taskeen Ka.

Unki Naaton Ka Safar Jaari Rahega Hashr Tak,
Shagal Hai Ye Do Jahaan Ki Izzat O Tamkeen Ka.

Dono Aalam Mein Jise Bhi Chahiye Shaukat Ka Taj,
Wo Tarana Gungunaye Taha Aur Yaseen Ka.

Shahe Deen Karte Hai Bas Ikhlas Se Padhna Qubool,
Hai Yahi Sab Se Ahem Juz Naat Ke Aayeen Ka.

Us Sanagar Ke Liye Jinn O Malak Bhi Saf Ba Saf,
Qabr Par Hazir Hain Guldasta Liye Tehseen Ka.

Ta Qayamat Ab Rahega Tazkira Rif’at Pazeer,
Aasman e Naat Aur Midhat Ke Us Shaheen Ka.

Arz Karta Hai Fareedi Sar Khameeda Ba Adab,
Mustafa Daman Bharen Is Khasta O Miskeen Ka.

Hazrat Maulana Salman Fareedi Misbahi – Oman

Checkout More Lyrics:

Mere Hussain Tujhe Salaam Lyrics

Lab Pe Aati Hai Nazm Lyrics

Zikre Ahmad Se Seena Saja Hai Lyrics

Leave a Reply

Your email address will not be published.